بسم الله الرحمن الرحيم
قررت احكى وابعد عن موضوع الفساد وغير الفساد
انا قررت اتكلم بصراحة
وبراحتى
لعل اجد فى هذا الجهاز وهذه المدونة الراحة التى لا أجد في كثير من المواقف
احكى ايه
احكى ايه
انا باقول احكى عن موقف غريب حصل لى
ماكنتش في يوم من الايام اتوقع ان اعمل كده
مش حاجة وحشة لا سمح الله
اللى حصل يوم ما عمى خرج من المعتقل من حوالى اسبوعين
بعد ما قضى 60 يوم خلوة مع الله(اعتقال يعنى)
في اليوم ده انا كنت باقول لازم الاستقبال ما يكنش عادى
لازم يكون له اثر وفائدة
ونستفيد منه
عمى خرج بعد انهاء كافة الاجراءت القانونية و"الغلسية" في امن الدولة وخلافه
هو خرج من مركزبندر الفيوم بعد الظهر ولما وصل البلد عندنا كان بعد العصر بشوية كان عربيات الاخوة
وموتسيكلات بيستقبلوهم من نصف الطريق وانا معرفتش اللى لما خلاص هايوصل البلد فطلعت استناهم في الطريق وركبت ورا اخ على الموتوسيكل ووصل عند البيت وكان في عدد من الاخوة كبير تقريبا كل الجزء بتاعنا وبعض من الإخوة في المناطق اللى جبنا
المهمم انا عملت ايه
قبل ما يوصل كنت اقترحت على اخ معايا ان احنا نهتف
ولكن اوا ما وصل عمى عند البيت والناس بتهنيه لقيت الموضوع مش قوى ولازم اتحرك
فرحت مستأذن عشان الهتاف
انا عمرى ما توقعت انى اهتف (لسبب في لسانى)
ولكن اول ما استأذنت من الأخ المسؤول ترددت للحظتين اطلب من أخ تانى يهتف؟ ووجدت ان ده هيأخر الموضوع ومممكن ما نلحقش نهتف
بسرعة لقيت نفسى بقول بصوت عالى قوى
الله اكبر ولله الحمد
الله اكبر ولله الحمد
احنا مين احنا مين
احناا
الإخوان المسلمين
الإخوان المسلمين
واستمريت في الهتاف لحد ما لقتش حاجة اقولها
وقدر ربنا
ان اخ يشاورلى عشان اسكت
الحاجة اللى كنت اخشاه جدا
وانا بهتف
ان ما حدش يردد وراى وتكون كسفة حلوة
بس انا بردوا في اول هتاف قررت ان لو ما حدش يرد عليا انى هاكمل
بس الحمد لله مل الإخوة رددو ورايا
بس ونكمل مرة تانية
هناك تعليق واحد:
ساندوا المدون أحمد محسن الذي أعتقل للمرة الثانية بواسطة جهاز أمن مبارك
تضامن مع المدون أحمد محسن ورفاقه وطلاب جامعة الفيوم المضطهدين
لا للظلم ولا للقهر ولا للإستعباد
إننا في رابطة مدوني الفيوم نطالب جميع اصحاب الضمائر الحية بعدم الإستسلام لسياسة التخويف المتبعة لدي نظام أمن مبارك والمقاومة السلمية حتى أخذ جميع حقوق الوطن المهدرة
http://www.freefayoum.blogspot.com
إرسال تعليق